Ekipi jone

Për të arritur progresin e vërtetë, duhen nderruar edhe ligjet edhe zemrat e njerëzve.
Njihuni me Z. Asipin. Z. Asipi është pronari dhe drejtuesi i autoshkollës, njeriu nga i cili janë edukuar shumë breza në artin e vozitjes dhe jo vetëm.
Z. Asipi ka mbi 30 vite angazhim pedagogjik profesional, dhe mbi pesë vite si komision te qendra e provimeve për marrjen e patent shoferit. Atë e karakterizojnë mirësia, toleranca dhe xhentilesa, gjithmonë në përpjekje për të ofruar më të mirën nga vetja për të gjithë ata të cilët kanë nevojë.

Udhëtimi i një mijë kilometrave, fillon me një hap të vetëm.
Njihuni me Artanin. Artani është drejtuesi i autoshkollës, personi pas të cilit mishërohet ideja e funksionimit të kësaj familjeje të madhe. Personi i cili së bashku me gjithë ekipin e autoshkollës përpiqet që shërbimi të cilin ofron, cilësia, dhe vizioni për një sistem me të sofistikuar për kandidatët e rinj të bëhet një realitet.
Atë e karakterizojnë, vullneti, këmbëngulja dhe dashamirësia kundrejt njerëzve të tjerë, gjë që sjell freski të vazhdueshme te krijimi i mundësive të reja.

Njeriu nuk është njeri nga që ka ardhur në botë. Njeri duhet të bëhesh.
Njihuni me Zoranin. Zorani është pjesë e autoshkollës që nga fillimet e saja dhe është instruktori më me përvojë, mbi 30 vite eksperiencë në fushën e edukimit të shoferëve të rinj, posedon të gjitha kategoritë. Është një pasuri e vërtetë të kemi një instruktor të tillë në autoshkollën tonë.

Unë punoj për të qenë i lumtur: është zanati më i mirë i mundshëm.
Njihuni me Rexhepin. Te autoshkolla jonë, Rexhepi është personi i cili me vullnetin që ka arrin të kanalizojë shumë energji në trajnimin e kandidatëve të rinj. Është gjithmonë pozitiv, i gatshëm për punë dhe entuziast te shërbimi që bën kundrejt shoferëve të rinj.

Dashuria e vërtetë mund të shërojë e shndërrojë gjendjen tonë dhe t'i japë jetës sonë një domethënie të thellë.
Njihuni me Nurien. Nurija përmes dashurisë së saj për punën, ofron ngrohtësi dhe qetësi te raporti me nxënësit e saj. Ajo është gjithmonë e gatshme të japë më të mirën nga vetja dhe mundëson që trajnimi të jetë një eksperiencë shumë e këndshme!

Askush nuk mund t'ju mësojë diçka që nuk gjendet e përgjumur në agimin e njohurive tuaja.
Njhuni me Nuriun. I qetë në transmetimin e mësimeve, bën që të ndjeheni rehat dhe të sigurtë kur e keni pranë si instruktor. E karakterizojnë qetësia, maturia dhe thellësia. Në kohë të lirë meret me fotografi dhe përpiqet të mbërthen të bukurën përmes objektivit të tij dhe tua ofrojë të tjerëve.

E vetmja mënyrë për të bërë punë të mëdha është që ta doni atë që bëni.
Njihuni me Maberen, nga më të preferuarat e kandidatëve të rinj.
Është e hapur me të gjithë dhe shumë komunikuese, gjë që bën të mësuarit me të një përvojë shumë të këndshme.